Balla e Krifca takim me banorët në Ballagat të Lushnjes
Që të forcojmë ekonominë tonë bujqësore, duhet të mbështesim jo vetëm bujqësinë, por edhe blegtorinë Drejtuesi Politik i Partisë Socialiste për Qarkun e Fierit Taulant Balla i shoqëruar nga Ministrja e Bujqësisë dhe Zhvillimit Rural, Frida Krifca zhvilluan një takim me banorët në Njësinë Administrative Ballagat në Lushnje. Në fjalën e saj ministrja Krifca shprehu mbështjetjen për Eriseldën, si një vajzë e cila ka bërë përpjekje maximale për thithjen e sa më tepër investimeve në bujqësi për Lushnjen. “Në 6-mars kjo zonë e cila njihet si hambari i bujqësisë do ta votojë dhe mbështesë Eriseldën sepse njeh më mirë se kushdo çdo nevojë tuajën. Kërkojë nga ju banorët e zonës që të aplikoni për mbështetjen që qeveria shqiptare po jep për fermerët dhe bujqit nëpërmjet aplikimeve në AZHBR të cilat janë të hapura për cilindo nga ju. Një mbështetje shumë të madhe qeveria jonë jep edhe në agroturizëm dhe jam e bindur që Eriselda e ka të gjithë informacionin e duhur për tju aksesuar në aplikimet e këtyre projekteve ndaj në 6-mars votoni Eriseldën në mënyrë që të keni një qeverisje të denjë”, tha Krifca. Në fjalën e tij Balla tha se qeveria shqiptare po ndihmon të gjithë fermerët dhe bujqit në dhënien e naftës pa taxa në mënyrë që tju lehtësojë kostot atyre. “Kërkesat ishin edhe për kulturat e ullirit nga më 7-mars bashkë me Eriseldën kryetare bashkisë do të vijojmë punën për tu ardhur në ndihmë në të gjithë Bashkinë Lushnje të gjithë familie e që kanë tokë dhe e punojnë atë. Duhet që Edi Rama dhe Eriselda të punojnë në një drejtim në mënyrë që të marrim sa më shumë investime në Ballagat dhe në të gjithë Lushnjen. Vijmë nga 2 vite vërtetë të vështira jo vetëm për Shqipërinë por për të gjithë botën dhe fal jush dhe prodhimeve të zonës suaj në e përballuam me sukses këtë situatë, ndaj unë ngre zërin me tepër ne parlament për fshatin sepse e di që fshati mban veten mban edhe qytetin. Që të forcojmë ekonominë tonë bujqësore duhet ti japim më tepër mbështetje jo vetëm në bujqësi por edhe në blegtori dhe jam shumë i sigurt që do tja arrijmë këtij qëllimi. Tek Eriselda shoh veten time e cila ka ardhur në Partinë Socialiste duke i ngjitur shkallët një nga një dhe po ashtu ka ardhur edhe në Bashkinë Lushnje dhe tani ka ardhur momenti për ti dhënë çelësat e asaj bashkie në mënyrë që të drejtojë dhe menaxhojë me eksperiencë dhe përgjegjësi çdo qindarkë të qytetarëve të Njësisë suaj Administrative dhe të gjithë Bashkisë Lushnje, pra, në 6-mars ti japim votëbesimin Eriseldës”, deklaroi Balla.
