Në qytetin e Fierit është drejt përfundimit rikualifikimi urban i qendrës së qytetit dhe rehabilitimi i Lumit Gjanica, një ndër projektet më të mëdha të ndërmarra këto vitet e fundit në këtë qytet. 60 000 metra katrorë hapësira iu nënshtruan rehabilitimit, të cilat po transformohen në hapësira urbane dhe rekreative, ndërsa po punohet edhe me rinovimin e fasadave të ndërtesave rreth sheshit, ndërtimin e korsive të biçikletave etj.
