Ministrja e Drejtësisë Etilda Gjonaj në kuadër të takimeve me bazë qarku dhe platformës së bashkëqeverisjes ka zhvilluar takime në qarkun e Fierit ku është shprehur se “nuk do të tolerohet asnjë rast shkelje ligjore, abuzimi me detyrën apo marrje rryshfeti, duke shprehur qartë se do të merren masa disiplinore deri në largime nga puna dhe procedime për ndjekje administrative apo penale për cdo punonjës apo drejtues”. Ministrja Gjonaj tha se sa më shpejt që të ngrihen institucionet e reja të drejtësisë, aq më shpejt do të nisë puna për zbatimin e plotë të kësaj reforme.
