Mbrëmjen e djeshme një mjet tip “Ford” ka dalë nga rruga dhe ka përfunduar në kanalin kullues përbri saj.
Kanë qenë orët e vona të mbrëmjes së djeshme kur mjeti i drejtuar nga Alfred Qosja 20 vjeç, banues në Divjakë ka dalë nga rruga dhe është përplasur në kanal.
Mjeti është dëmtuar mjaft nga përplasja ndërsa drejtuesi i tij ka përfunduar në spital.
Dalja nga rruga e mjetit sipas policisë lokale ka ndodhur si pasojë e shpejtësisë së madhe me të cilin udhëtonte i riu në aksin rrugor Divjakë-Çermë, ku vetëm disa qindra metra larg është dhe qendra shëndetësore Divjakë.
I riu është dërguar me urgjencë në spitalin e Lushnjës ku edhe ka marrë ndihmën mjekësore dhe ka qenë jashtë rrezikut për jetën.
