Policia e Lancashire po “heton” kryeministrin britanik Rishi Sunak pasi ai u filmua duke mos vendosur rripin e sigurimit teksa udhëtonte në një automjet si pasagjer.
Kryeministri ka kërkuar falje për incidentin, duke thënë se ishte një “gabim ” mosvendosja e rripit të sigurimit për të filmuar një video në rrjetet sociale.
Kjo shkelje në Britaninë e Madhe dënohet me një gjobë deri në 500 £.
“Z.Sunak pranoi se ky ishte një gabim dhe kërkoi falje”, u tha gazetarëve zëdhënësi i tij.
Zëdhënësi shtoi se kryeministri “beson se të gjithë duhet të vendosin rripin e sigurimit”.
BBC raportoi se kryeministri ishte në Lancashire kur u regjistrua video, gjatë një udhëtimi në veri të Anglisë.
Videoja, që promovonte raundin e fundit të qeverisë për “nivelimin e shpenzimeve” – u postua më herët në llogarinë e zotit Sunak në Instagram.
Në klipin, i cili zgjat rreth një minutë, kryeministri britanik shfaqet duke iu drejtuar kamerës ndërsa makina është në ecje së bashku me motoçikletat e policisë që shfaqen shkurtimisht në sfond.
Në Britani, një person mund të gjobitet deri në 500 £ për mos vendosjen e rripit të sigurimit, përveç nëse ka një përjashtim, si për shërbimet e urgjencës, në një taksi./Opinion.al
