Një prind nga Sidnei thotë se një kopësht fëmijësh thirri policinë, pasi ai reagoi i zemëruar kur mori vesh se fëmijës së tij i jepeshin mësime ‘të papërshtatshme’ mbi gjininë dhe seksualitetin.
Prindi tha se Roseville Kids Club, i cili ofron kurse për nxënësit e shkollës para-fillore në Roseville, i kishin thënë se mësimet për fëmijët do të rrisnin një brez më ‘përfshirës’ nxënësish.
Ata thanë se u mësonin fëmijëve në moshën 5-vjeçare të ishin ‘jobinarë’ pra me seksualitet neutral dhe ‘panseksualë’ si dhe u jepeshin flamuj të LGBT për t’i ngjyrosur.
“E vizitova kopshtin dhe u trondita që kishte një flamur gjigant të LGBT, ishte flamuri më i madh në dhomë, shumë më i madh se flamuri australian”, tha prindi që dëshiron të mbetet anonim, për Daily Telegraph.
“Kur hyra aty ishte një mur i tërë që përshkruante seksualitete të ndryshme duke dhënë përkufizime të koncepteve si “panseksual” dhe “lesbike”. Fëmija im është 5 vjeç, nuk e kuptoj se çfarë justifikimi të mundshëm ka ky kopsht për ekspozimin e tyre ndaj identiteteve seksuale si ky”-deklaroi prindi.
Prindi gjithashtu zbuloi se qendra ishte ankuar për veprimet e tij në polici. Megjithatë, prindit iu tha më vonë se ata nuk kishin kryer ndonjë shkelje.
Fotot e marra nga muri i qendrës tregojnë flamuj me ngjyra të LGBT dhe përkufizime të seksualiteteve dhe identiteteve të ndryshme gjinore.
