Mijëra ndërtesa që u shëmbën gjatë tërmeteve në Turqi, kanë ngritur pyetje lidhur me atë nëse kjo fatkeqësi natyrore është përkeqësuar për shkak të ndërtimeve jo cilësore. Zyrtarët turq kanë lëshuar urdhra arresti për rreth 130 persona që dyshohet se janë përfshirë në ndërtimin e ndërtesave që u shembën.
Ministri i Drejtësisë është zotuar se do të ndëshkojë këdo përgjegjës dhe prokurorët kanë filluar të mbledhin mostra ndërtesash për prova mbi materialet e përdorura në ndërtime.
Policia turke ka arrestuar të paktën 12 persona, përfshirë edhe kontraktorë të ndërtimit. Autoritetet në provincën e Gaziantepit kanë arrestuar gjithashtu dy persona të cilët dyshohet se kanë prerë kolonat për të krijuar hapësirë shtesë në një ndërtesë që u shemb. Ministria e Drejtësisë ka njoftuar tashmë ngritjen e planifikuar të zyrave të “Hetimit të Krimeve të Tërmeteve”. Pritet që të ketë më shumë arrestime, por këto veprime të autoriteteve si përpjekje për të larguar fajin nga kjo fatkeqësi.
Byrotë do të synojnë të identifikojnë kontraktorët dhe të tjerët përgjegjës për punimet e ndërtimit, të mbledhin prova, të udhëzojnë ekspertë duke përfshirë arkitektë, gjeologë dhe inxhinierë, dhe të kontrollojnë lejet e ndërtimit dhe lejet e pushtimit.
Numri i viktimave të konfirmuara nga tërmetet në Turqi dhe Siri është rritur në mbi 28.000.
/rtsh.al/
