Presidenti rus Putin ka dërguar në luftë kundër Ukrainës edhe shumë të rinj nga 19-vjeç, të cilët nuk janë të trajnuar për luftë dhe as që nuk e dinë se për çfarë po luftojnë konkretisht. Kjo u konfirmua edhe nga autoritetet e Ukrainës të cilat disa prej tyre i kanë kapur rob.
Një ngjarje e tillë ka ndodhur edhe me dy ushtarët rus, të cilët për shkak të papërvojës në ushtri kanë bërë një gafë që në luftë sjell vdekjen.
Dy ushtarëve rus pasi u mbaroi karburanti i mjeteve të tyre, shkuan për të kërkuar naftë në zyrat e policisë në Shevchenkove të Kharkivit pasi mendonin se policia lokale në këtë qytet lindor të Ukrainës kontrollohej prej rusëve. Në fakt informacionin e kishin gabim. Posta e policisë ishte vënë nën kontrollin e ushtrisë të Ukrainës.
“Na duhet pak naftë“, ishin fjalët e ushtarëve rusë. Në vend të lëndës djegëse, morën prangat në duar.
