Ish-ministri i Shëndetësisë Ilir Beqja është paraqitur mëngjesin e sotëm në Prokurorinë e Posaçme Anti-Korrupsion (SPAK)
Burime bëjnë me dije për gazetaren e Panorama.al Nikoleta Kovaçi se Beqja do të merret në pyetje nga prokurorët e SPAK në lidhje me koncesionin e sterilizimit.
Pak ditë më parë në lidhje me këtë çështje në SPAK dëshmoi ish-vartësi i tij, Klodian Rrjepaj i cili ka mbajtur postin e ish-zv-ministrit të Shëndetësisë në kohën kur ky dikaster drejtohej nga Beqja.
Dosja është në prag të finalizimit dhe SPAK pritet të presë fletëarrestet për personat që kanë abuzuar me tenderat. Procedura për sterilizimin e seteve kirurgjikale është dosja e parë e SPAK edhe është nën hetim prej 3 vitesh.
Kallëzimi u bë nga përfaqësues të Nismës Thurje, të cilët kanë denoncuar penalisht zyrtarët e përfshirë në dhënien me koncesion të procesit të sterilizimit. Ata kanë kërkuar hetimin e zyrtarëve duke nisur nga ishministri i Shëndetësisë, Ilir Beqja, të cilët sipas tyre kanë abuzuar me buxhetin e shtetit.
