Tiranë- Pas përfundimit të misionit si ambasadore e SHBA-ve në Shqipëri, Yuri Kim do të ushtrojë detyrën e zv. ndihmës sekretares kryesore për Çështjet Europiane në DASH.
Yuri Kim do të jetë ushtruese e detyrës së ndihmës sekretarit derisa të konfirmohet Jim O’Brien.
Jim O’Brien, detyrën e të cilit do të ushtrojë përkohësisht, është i ngarkuar me sanksionet ndaj individëve qe cenojnë politikat e sigurisë kombëtare amerikane kudo në botë.
Diplomatja Yuri Kim do të ushtrojë detyrën zyrtarisht nga data 10 korrik.
