Një 39-vjeçar në Angli ka humbur 7 dhëmbë dhe ka marrë dëmtime të mëdha si pasojë e konsumimit të cigares elektronike. Siç shihet nga fotot e mëposhtme, Paul, punonjës në një fabrikë është shtruar në spital me dëmtime të mëdha, pasi i shpërtheu cigarja elektronike që ai e përdorte pothuajse çdo ditë.
Paul sapo la punën, kur bateria e cigares elektronike shpërtheu dhe ai u kthye sërish në fabrikë që kolegët ta ndihmonin për ta dërguar në spital.
Paul u dërgua në spitalin Friarage në Northallerton, por gjuha e tij ishte aq e fryrë sa po mbytej dhe ai u dërgua me urgjencë në një njësi reanimimi në spitalin James Cook të Middlesbrough. Ai tani po përballet me një trajtim privat dentar me vlerë mijëra paund.
Paul tha:
Tre dhëmbët e sipërm u rrëzuan plotësisht dhe katër dhëmbë të tjerë u dëmtuan rëndë, pra shtatë gjithsej do të kenë nevojë të zëvendësohen me implante.
Paul thotë se bateria e vapës, e blerë nga Amazon nga një prodhues kinez, ishte pjesa që shpërtheu.
