13 Autoshkollave u është pezulluar aktiviteti, ndërsa dy instruktorë janë ndaluar të ushtrojnë profesionin, pas shkeljeve të gjetura në dhënien e lejeve të drejtimit.
Pas kontrolleve në 70 Autoshkolla të Tiranës gjatë muajit prill dhe maj, Drejtoria e Përgjithshme e Shërbimeve të Transportit Rrugor ka konstatuar 66 subjekte me 185 raste mangësish.
DPSHTRR ka dërguar 3 propozime për heqje License Autoshkolle pranë QKB dhe një propozim për largim nga detyra për një Përgjegjës Sektori Leje Drejtimi.
Po ashtu, është dhënë një masë e rëndë disiplinore për një Specialist Regjistrimi Mjeti, Tiranë, për shkelje në lëshimin e Lejes së Qarkullimit për një mjet Autoshkolle!
DPSHTRR liston mangësitë kryesore të evidentuara gjatë kontrolleve dhe u bën thirrje kursantëve që të denoncojnë çdo parregullsi:
Orare të pa afishuara;
Rregullore të pa përditësuara;
Tabela keqinformuese! Autoshkolla reklamon për kategori Leje Drejtimi që nuk është e licensuar si aktivitet;
Regjistrat teori/praktikë të pa azhurnuara;
Amza e pa protokolluar pranë DRSHTRR-ve;
Klasa të pa pajisura sipas kritereve;
Tabelat e mjetit autoshkollë jashtë standardi;
Ambienti jo i rregullt/jofunksional;
Autorizime mjeti dhe instruktorësh të skaduara;
Parregullsi teknike në mjete.
Top Channel
