Gazetari Rezar Xhaxhiu tha në një intervistë për “Good morning Albanians” në Euronews Albania se nëse një grua pranon dhunën e burrit është njësoj fajtore si ai.
Ai sqaroi gjithashtu se dhuna nuk ka pse të jetë vetëm fizike apo verbale me tone të ashpra dhe ofendime. Edhe kërkesa e llogarisë në llojin “ku ishe deri në këtë orë?” apo izolimi i pakuptimtë është dhunë.
“Unë mendoj që është thellësisht fajtore nëse e pranon dhunën dhe nëse dhuna bëhet natyrë e dytë e saj. E di kur do të shpëtojmë ne nga kjo dhunë reciproke burrë-grua në familjet shqiptare? Kur gruaja të thotë këtu është kufiri yt djalë, këtu ndahemi, unë do të shikoj jetën time, por kjo nuk ndodh. Pse nuk ndodh? Ku do të shkojë ajo e shkreta të nesërmen? Çfarë mbështetje do të ketë? Çfarë rebelimi, në kuptimin e mirë, kërkojmë ne nga gratë shqiptare, qoftë të qendrës dhe periferisë kur ato janë skllave të mungesës ekonomike që kanë. Me çfarë do ta përballojnë jetën e përditshme, fëmijët dhe aktivitetin?” – u shpreh Xhaxhiu.Euronews Albania
