Një 25-vjeçare ka humbur jetën në Focene në Itali, për shkak se stafi i urgjencës nuk dinte të fliste anglisht e për rrjedhojë të komunikonte me turistët. Lajmi në fjalë është bërë me dije nga i dashuri i së resë. Ai thotë se stafi i 118 (urgjenca në Itali) nuk dinte të fliste anglisht, ndërsa kur u kuptuan ishte shumë vonë. Ambulanca mbërriti pas 43 minutash.
Sipas mediave të huaja, nuk dihet ende shkaku i vdekjes së të resë gjermane, megjithëse dyshimi është se ajo mund të ketë vdekur për shkaqe natyrale.
Janna Gommelt, 25 vjeçe nga Weismain, vdiq pasditen e 20 janarit në via di Focene, në kampingun ku që nga nëntori i vitit 2021 ajo qëndronte së bashku me të dashurin e saj irlandez, Michael Douglas 34 vjeç.