Të paktën 501 fëmijë janë vrarë në Ukrainë që nga shkurti i vitit 2022, kur Rusia nisi pushtimin e saj. Kështu deklaroi sot Catherine Russell, drejtoreshë ekzekutive e Fondit të Kombeve të Bashkuara për Fëmijët (UNICEF).
“Një tjetër moment historik tragjik për fëmijët dhe familjet e Ukrainës”, tha Russell në një postim në Twitter të hënën.
Russell paralajmëroi se shifra reale “me gjasë është shumë më e lartë” sesa shifrat e verifikuara nga agjencia e OKB-së.
Për më tepër, pothuajse 1,000 fëmijë ukrainas janë lënduar, “duke i lënë ata me plagë tw dukshme dhe të padukshme, që mund të zgjasin për gjithë jetën”, shtoi ajo.
