Ballina Vendi U godit me thikë pas shpine në shëtitoren e Sarandës, ndërron jetë...

U godit me thikë pas shpine në shëtitoren e Sarandës, ndërron jetë 43-vjeçari

1
Policia Sarande 840x440 1 770x403

Ka ndërruar jetë 43-vjeçari Kledi Koka, i cili u godit me thikë pas shpine paraditen e sotme, në shëtitoren e Sarandës.

Koka kishte marrë plagë të thellë në mushkëri dhe kishte humbur shumë gjak. Nga Tirana mbërriti helikopteri, por ishte e kotë, pasi 43-vjeçari ndërroi jete. Ai është transportuar në morg.

Sarandë/Informacion shtesë

Goditi me mjet prerës 43-vjeçarin, i cili ndërroi jetë si pasojë e dëmtimeve të marra, vihet në pranga autori i dyshuar.

Në vijim të informacionit paraprak, përmes të cilit njoftuam se, në shëtitoren e Sarandës, gjatë një konflikti për motive të dobëta, shtetasi J. G. goditi me mjet prerës, në kurriz, shtetasin K. K., 43 vjeç, sqarojmë se, si pasojë e plagëve të marra shtetasi K. K. ka ndërruar jetë.

Brenda një kohe të shkurtër, shërbimet e Komisariatit të Policisë Sarandë kanë bërë të mundur arrestimin e shtetasit J. G.

Në cilësinë e provës materiale është sekuestruar mjeti prerës (thika), me të cilën dyshohet se shtetasi J. G. ka goditur shtetasin K. K.

Grupi hetimor ndodhet në vendngjarje dhe po punon për zbardhjen e rrethanave të ngjarjes.