Tom Cruise e ka ndarë ekranin me shumë emra të famshëm gjatë karrierës së tij të ndritur kinematografike, por ka një aktore me të cilën ende s’ka punuar dhe ëndërron të punojë.
Ylli i “Mision Impossible” ka zbuluar se do t’i pëlqente të bënte një film me Scarlett Johansson, të cilën e ka përshkruar si jashtëzakonisht të talentuar.
Tom i bëri komentet gjatë një interviste me Entertainment Tonight në premierën e filmit të shtatë Mission Impossible, i cili do të dalë në treg muajin e ardhshëm.
“Do të doja të bëja një film me të!” tha ai.
“Kam dashur të bëj film me të. Ajo është jashtëzakonisht e talentuar. Kaq karizmatike, e gjithanshme. Ajo ka aftësi të mëdha padyshim.”
Tom tha gjithashtu për The Hollywood Reporter se një projekt i përbashkët do të ndodhë “absolutisht”.
“Unë e kam parë karrierën e saj gjatë gjithë jetës së saj. Ajo është jashtëzakonisht e talentuar, shumë karizmatike. Do të ishte argëtuese. Ajo mund të luajë gjithçka. Mund të bëjë komedi, dramë, aksion, suspens.”
Tom i bëri komentet menjëherë pasi Scarlett tha se ajo gjithashtu dëshironte të ndante ekranin me Tom duke thënë: “Do të doja të punoja me Tom Cruise”.
