Ballina Bota Tajfuni shkatërrimtar po i afrohet Japonisë.Banorët largohen nga banesat

    Tajfuni shkatërrimtar po i afrohet Japonisë.Banorët largohen nga banesat

    1

    Tokio- Një tajfun shkatërrimtar po i afrohet brigjeve të Japonisë. Më rëndë pritet të goditet ishulli Kyushu. Gati dy milionë njerëzve u është kërkuar të lënë shtëpitë e tyre.

    Erërat mund të arrijnë shpejtësinë 250 km/h (155 mph) dhe në disa zona mund të ketë 500 mm (20 inç) reshje në vetëm 24 orë.

    Një “alarm special” është në fuqi për Kyushu, me paralajmërime për rrëshqitje dheu dhe përmbytje. Shërbimet e trenave dhe fluturimet janë anuluar.

    Agjencia Meteorologjike e Japonisë tha se tajfuni do të sillte shira të rrëmbyeshëm, stuhi përgjatë bregut dhe erëra aq të fuqishme sa që ekzistonte rreziku që shtëpitë të mund të shemben.

    Tajfuni pritet të përfshijë pjesën tjetër të Japonisë në ditët në vijim.

    Kyushu është ishulli më në jug nga katër ishujt që përbëjnë pjesën kryesore të Japonisë dhe ka një popullsi prej më shumë se 13 milionë njerëz.

    Ky është alarmi i parë special i lëshuar ndonjëherë jashtë prefekturës Okinawa, e cila përbëhet nga ishujt më të vegjël dhe të largët në Detin e Kinës Lindore, raporton Japan Times.

    Sapo tajfuni të arrijë në tokë, pritet të kthehet në veri-lindje dhe të lëvizë lart përmes Japonisë qendrore drejt Tokios.