Të paktën tre persona u plagosën, duke përfshirë një në gjendje kritike, në një sulm me thikë në Norvegjinë juglindore të premten, tha policia norvegjeze.
Një i dyshuar është arrestuar, tha policia në Twitter, pa specifikuar motivin e sulmit dhe duke thënë se njerëzit duket se janë sulmuar “rastësisht”.
“Tre persona të plagosur dhe një person i plagosur rëndë”, shkruan policia në një postim në Twitter.
Disa minuta më vonë, ata thanë se kishin nën kontroll “autorin e dyshuar”.
Policia iu referua asaj që ata e quajnë një emergjencë të PLIVO-s, që do të thotë një ngjarje e vazhdueshme e dhunshme ku jeta mund të jetë në rrezik.
Në tetorin e kaluar, në të njëjtin vend, Numedal, një person sulmoi dhe vrau pesë persona duke përdorur thika dhe shigjeta. Policia kishte thënë sulmuesi ishte me shtetësi daneze dhe kishte probleme mendore.
