T
Shtimi i gjelbërimit bashkon sërish kryetarin e bashkisë Armando Subashi me të rinjtë e qytetit në aksionin e përbashkët të mbjelljes së pemëve.
Në kuadër të nismës së PS që fushata elektorale të jetë ekologjike dhe të shtohen një milionë drurë në mbarë vendin, por edhe me mbështetjen e pushtetit lokal vazhdojë iniciativat e shtimit të numrit të mbjelljeve dhe në bashkinë e Fierit. I kthyer në një model kohë dhe parë fillimit të kësaj nisme socialiste, kryebashkiaku Armando Subashi është parë së bashku me të rinjtë në mbjellje të reja të drurëve dekorativë.
Në analizën e tij ai ka shënuar që gjatë dy mandateve janë mbjellë 1800 peme ndërkohë që me fushatën socialiste synohet të mbillen dhe 1000 mijë deri në përfundim të saj që përkon me datën 14 maji. Duke u cilësuar si një proces në vazhdim bashkia e Fierit do ta vazhdojë këtë proces gjatë gjithë vitit pasi tashmë është krijuar një traditë në këtë drejtim.
Lidhur me të ardhmen e punës së tij në krye të bashkisë gjatë një prononcimi medietik Subashi premton vazhdimin e punës, por me një ritëm tjetër , sepse “ne besojmë që edhe pse kemi bërë shume për Fierin gjithë këto vite, padyshim prapë ka qenë një periudhë e vështirë, sepse sigurisht pandemia, tërmeti dhe tani lufta ka bërë punën e vetë. Me thënë të drejtën ka ndikuar pak në uljen e ritmit të investimeve, kryesisht edhe ato që financohen nga qeveria qendrore, padyshim dhe nga ato që financohen nga buxheti i bashkisë , por ne besojmë shumë që më të keqen e kemi lënë mbrapa dhe besojë së katër vitet e ardhshme do kemi një ritëm tjetër investimesh. Kemi një sërë projektesh të rëndësishme, ku kemi filluar me Gjanicën, kemi përfunduar fazën e parë, është duke përfunduar faza e dytë që do të përfundojë shpejt. Kemi gati projektin e fazës së tretë të cilën e kemi çuar për financim. Shpresojmë të fillojmë shumë shpejtë këtë behar me lumin e Semanit, pra drejt bregdetit për te hapur një portë të madhe dhe shume të fuqishme drejt turizmit bregdetar, qofte drejt Darëzezës, qofte drejt Semanit.
Subashi i ka cilësuar këto dy pika shumë të rëndësishme dhe një aset i rëndësishëm i bashkisë Fierit dhe padyshim që është parë si një nga shtyllat e zhvillimit të ekonomisë së bashkisë tonë. Ai është prehur për ekzistencën e një sërë projektesh të rëndësishme përsa i përket fshatit.
“Mos të harrojmë që këtu jemi në zemrën e Myzeqesë dhe padyshim që politika drejt bujqësisë do të marrë një rëndësi shumë të madhe gjate këtij mandati për bashkinë e Fierit” është shprehur më tej Subashi.
Ai është shprehur entuziast për arritjet e deritanishme të cilat janë të prekshme si në qytet ashtu dhe në gjithë njësitë administrative dhe “kjo padyshim na bënë ballë lart dhe do kërkojmë votën në çdo cep të bashkisë së Fierit. Jam i bindur që qytetarët do të na vlerësojnë ne jo vetëm që do të marrim një mandat të tretë, por sigurisht me rezultatin që do të marrim në 14 maj ne do te hapim një faqe të re të punëve dhe te investimeve që do bëjmë në bashkinë tonë.
/Tv Kombi/
