Ballina Lajme Politike Si do të vijë ndryshimi? Meta: Unë dhe Berisha e mbajmë fjalën!...

Si do të vijë ndryshimi? Meta: Unë dhe Berisha e mbajmë fjalën! Do vijë me referendum, Rama do ikë si Millosheviçi

1

Kreu i Partisë së Lirisë, Ilir Meta deklaroi në “Open” se Edi Rama ka për të ikur nga pushtetit njëjtë si ish-lideri i Jugosllavisë Sllobodan Millosheviç.

I pyetur sesi mund të vijë ndryshimi nga dy emra opozitarë si ai dhe Sali Berisha që kanë 30 vite në politikë, Meta tha se alternativa e ndryshimit do të jetë vota e lirë, primaret dhe referendumi.

DISKUTIMI:

Meta: Mendoj se në vitin e fundit ka patur shumë ndryshime, peizazhi opozitar është shumë përfshirës dhe do bëhet shumë koheziv sepse i përgjigjet shumicës së popullit shqiptar besimi i të cilëve është tradhtuar në të kaluarën. Qeveria është më ilegjitime se asnjëherë tjetër sepse është më anti-popullore se kurrë më parë. E them unë dhe e thonë gjithë të vërtetat, çmimi i karburanteve që i kemi më të shtrenjta se gjithë rajoni. Jemi të parët për numrin e azilkërkueseve , niveli i taksave është më i larti dhe shifrat e pensioneve janë më të ulëta se kudo. Nuk ka situatë më dinamike se kjo për opozitën. Nuk ka situatë më dinamike dhe ju do e shihni shumë shpejt do dali jashtë parashikimeve tuaja.

Rakipllari: Në kuptimin që është qeveri ilegjitime, që e ka marrë pushtetin me ato mënyra që e ka marrë. Po ju thoni ndryshimin, si me ndryshim që kryetari I opozitës është Sali Berisha që ka 30 vjet që ka pasur pushtetin dhe ju që keni pasur koalicion me Ramën.

Meta: Ndryshimi do vijë nga vota e lirë, nga primaret nga referendum i qytetarëve. Unë me zotin Berisha, ndryshe nga shumë të tjerë e mbajmë fjalën.

Rakipllari: Berisha tha sot protesta të qëndrueshme dhe të gjata. Çfarë tjetër ka?

Meta: opozita tani është e pagjumë është e përkushtuar t’i japë jetë këtij ndryshimi. Me zgjedhje dhe protesta. Ja u thashë si iku Millosheviçi, këtu do ikë më kollaj.

Sulo: Biem dakord që ka shume çështje për t’u denoncuar dhe afera të qeverisë. Varfëria është rritur, s’ka moment më të mirë për opozitën që të kalëroj këtë pakënaqësi për të bërë ndryshimin, në atë sens që thoni ju dhe kolegët, e frymës dhe zierjes, nuk ka. Nuk mjaftojnë më denoncimet zoti Meta.

Meta: Alternativa nuk ka të bëjë me njerëzit. E kam bërë t qartë që angazhimi parë madhor i yni si Parti e Lirisë, është garantimi i referendumit, që qytetarët të jenë politikbërës. Kjo do të garantoj vendosjen e gjithë klasës politike nën kontrollin e qytetarëve. Mendoj se ky është një dallim i madh.  Primaret, janë diçka që duhet përshëndetur. Se hap procesin, nuk zgjidhen kandidatët me zarfa dhe tendera. Alternativa është antikorrupsioni. Kjo situatë politike erdhi këtu në vend ku u përqendrua çdo gjë, mbaroi parlamentarizmi dhe gjithçka vendoset jashtë syve të publikut.