Shpërthen bombola e gazit në një banesë në katin e dytë të një pallati në lagjen “29 Nëntori” në Fier.
Në banesë ndodheshin një çift të moshuarish të cilët sapo kanë pikasur flakët kanë njoftuar repartin zjarrfikës. Bombola e gazit ka qenë e ndezur pasi çifti ka qenë duke gatuar.
Për të evituar përhapjen e flakëve i zoti i shtëpisë ka tentuar të largoj bombolën që ishte në aneksin e shtëpisë dhe ka pësuar dëmtime të lehta në duar. Pranë vendit të ngjarjes kanë shkuar zjarrfikësit dhe uniformat blu.
Policia Fier:
Sot rreth orës 15:45, në lagjen “29 Nëntori” në banesën e shtetasit Y. M. ka rënë zjarr si pasojë e shpërthimit të bombulës së gazit. Shtetasi Y. M ka marë dëmtime të lehta në duar. Menjëherë në vendngjarje kanë shkuar shërbimet e Policisë dhe zjarrëfikëset, të cilët bënë të mundur fikjen e zjarrit.
