Kryeministri Edi Rama është ndalur të kritikojë kryebashkiaken e Durrësit Emiriana Sako për mënyrën sesi bashkia bregdetare ka menaxhuar situatën me vatrat e zjarrit.
Rama i tha Sakos se fakti që po ja kalojnë në menaxhim bashki si Berati dhe Fieri është e rëndë për të.
“Ne jemi dhe një vend ekspertësh, me këtë numrin e ekspertëve që ne kemi duhet të na jepnin të gjithë seksionin e konsulencave që të asistonim BE për zgjidhjet e menjëhershëm. Biles ekspertë nga shtëpia, me celular ta japin zgjidhjen që thua si ka mundësi kaq e lehtë të jetë zgjidhja.
Por gjërat janë pak më të ndërlikuara sesa duken. E lavdërova me të drejtë Durrësin për pastrimin por nuk mund të them të njëjtën gjë për organizimin për zjarret. Nuk kemi ça ti themi Beratit apo Fierit dhe ne të dy që jemi durrsakë të na i kalojë Berati dhe Fieri është e rëndë. Për ty është më e rëndë në fakt se unë i kam ca rrënjë në Berat dhe mbahem por për ty që je 100% nga moma dhe nga baba durrsak është çik e rëndë kjo”, tha Rama.
