Kiev- Presidenti i Ukrainës, Volodymyr Zelenskyy, është përfshirë në një aksident.
Sipas një postimi të Serhiy Nikiforov në Facebook, presidenti ukrainas Volodymyr Zelenskyy, nuk është lënduar rëndë. Mjekët që shoqëronin Zelenskyy-n i dhanë ndihmë urgjente atij dhe shoferit të makinës dhe e transferuan atë në një ambulancë.
“Në Kiev, një makinë u përplas me makinën e presidentit të Ukrainës dhe automjetet e rrethit të tij. Mjekët që shoqëronin kreun e shtetit i dhanë ndihmën e parë drejtuesit të makinës dhe e dërguan në ambulancë. Presidenti u ekzaminua nga një mjek, nuk u konstatua asnjë lëndim serioz. Policia po heton rrethanat në të cilat ka ndodhur aksidenti”, tha ai në postimin e tij.
Pak minuta pasi deklarata e Nikiforov u bë publike, zyra e Zelensky dërgoi videon e fjalimit të natës që ai mban çdo ditë.
“U ktheva nga Kharkiv, nga zonat e çliruara. Nga sot pothuajse e gjithë zona është e pushtuar. Ishte një lëvizje e paprecedentë nga luftëtarët tanë – ukrainasit përsëri arritën të bëjnë atë që shumë e konsideronin të pamundur. Vetëm në ditën e parë të aksioneve aktive, trupat tona përparuan 19 kilometra. Në pesë ditë luftime kaluan 110 kilometra.
Autoritetet po hetojnë rrethanat e ngjarjes.
