Ballina Vendi Përjashtuan nxënësin me aftësi të kufizuara, pezullohet drejtoresha e shkollës dhe drejtori...

Përjashtuan nxënësin me aftësi të kufizuara, pezullohet drejtoresha e shkollës dhe drejtori i zyrës Arsimore Divjakë

1

Ministria e Arsimit ka pezulluar nga detyra drejtoreshës së shkollës së Mesme të Bashkuar “Mihal Nako” në Fierseman dhe drejtorin e Zyrës Vendore Arsimore Divjakë Llazar Stase, pas përjashtimit nga shkolla të nxënësit me aftësi të kufizuara Emiliano Liçi.

Për problemin e nxënësit me aftësi të kufizuara Emiljano Liçi, emisioni “Stop”  ka komunikuar me titullaren e shkollës, e cila justifikohet se ka zbatuar udhëzimin per kriterin e moshës. Por ajo nuk di të thotë se pse e pranoi Emiljanon dhe më pas e përjashtoi nga shkolla, pasi kishte filluar viti.

Përmes një njoftimi për shtyp ministria e Arsimit bën me dije se nxënësi Emiliano Liçi do kthehet në bankat e shkollës që nga dita e hënë. Gjithashtu, Ministria e Arsimit dhe Sportit dhe Drejtoria e Përgjithshme e Arsimit Parauniversitar kanë ngritur menjëherë një grup pune të përbashkët për verifikimin e plotë të rastit dhe marrjen e masave përfundimtare për personat përgjegjës.