Bisedimet në Stamboll mes Rusisë dhe Ukrainës kanë dhënë rezultate të mjaftueshme për organizimin e një takimi kokë më kokë mes presidentëve të dy vendeve, Putin dhe Zelensky. Kështu deklaroi këshilltari presidencial i Ukrainës, Mikhailo Podolyak, në fund të raundit të negociatave. “Ne do të vazhdojmë negociatat me Rusinë, por do të përfshijmë edhe vendet garantuese,” tha Podolyak, duke përmendur Izraelin, Turqinë, Kanadanë dhe Poloninë. Nëse sistemi i garancive për sigurinë e Ukrainës, i propozuar Rusisë, do të “funksiononte”, qeveria e Kievit do të pranonte statusin e “neutralitetit”, shtoi kreu i delegacionit ukrainas, David Arakhmia. Me neutralitet, specifikoi ai, nuk do të kishte baza të huaja në Ukrainë. Kryenegociatori rus Medinsky, foli për “bisedime konstruktive”. Një takim mes Putinit dhe Zelenskit do të jetë i mundur vetëm pasi të nënshkruhet një marrëveshje paqeje nga ministrat e jashtëm përkatës. “Do të ndërmarrim dy hapa konkretë për përshkallëzimin e krizës”, përfundoi Medinsky, duke njoftuar se Rusia do të ndalojë aktivitetin ushtarak pranë Kievit dhe Chernikivit. “Nëse puna për traktatin Moskë-Kiev lëviz shpejt dhe gjendet një kompromis, mundësia e një traktati paqeje do të jetë më afër”, përfundoi Medinsky.
