Një banesë u përfshi nga flakët në Shëngjin.
Ngjarja ndodhi rreth orës 19.20 flaket e zjarrit kanë përfshirë një banesë në qytetin e Shëngjinit.
Banesa e familjes Gj. Çepele ndodhej në katin e tretë të një pallati shumë pranë një pike karburanti, vetëm pak metra larg rajonit të policisë.
Shtëllungat e tymit kanë alarmuar banorët si edhe punonjësit e karburantit, të cilët njoftuan menjeherë policinë, e cila mbërriti në vendin e ngjarjes.
Familjarët nuk ndodheshin në banesë në momentin e rënies së zjarrit, ata janë lajmëruar nga banorët.
Deri në mbërritjen e zjarrëfikëses banorët thyen me gurë xhamat e banesës për të ndërhyrë sadopak në shmangien e ndonjë katastrofe.
Zjarrëfikësja mbërriti menjeherë në vendin e ngjarjes duke bërë të mundur izolimin dhe më pas shuarjen e zjarrit në banesë, e cila mund të ishte shndërruar në ndonjë tragjedi për shkak se fare pranë ndodhet dhe pika e karburantit.
Po hetohet rreth shkaqeve të rënjies së zjarrit. Fatmirësisht nuk ka dëme në njerëz, por vetëm dëme materiale.
