tvkombi
tvkombi

Panik në Indi, leopardi del në qytet, plagosen 15 qytetarë, midis tyre fëmijë

Bota

Publikuar ne:11:40 - 28/12/2022

Një leopard ka plagosur të paktën 15 persona, përfshirë gra dhe fëmijë, në disa sulme në një qytet në Indi.

Roja e pyllit, ka thënë për “Times of India” se macja e egër ka qenë e uritur dhe ndaj ka dalë për ushqim në qytetin Jorhat në shtetin e Assam. Kafsha endej rrugëve të Jorhatit, ku afër qytetit është një pyll.

Në një video që po bën xhiron e botës, shihet leopardi  duke kërcyer mbi një gardh dhe më pas mbi një makinë duke plagosur 15 persona të cilët janë duke marrë ndihmë mjekësore.

Shefi i “Wildlife Trust of India”, Rathin Barman ka deklaruar për mediat vendase se kafsha është kapur dhe qytetarët janë më të sigurt. Barman dyshon se sjellja agresive e maces së egër vjen për shkak të lëndimeve që ka pasur në njërën këmbë.

Me shpyllëzimin e qytetit, qytetarët janë duke u përballur me sulme nga grabitqarët, ku shpesh herë janë vrarë kafshët shtëpiake.

(BalkanWeb)

Ju sugjerojmë