Një grua e moshuar me aftësi të kufizuara u dërgua me urgjencë për në spital pasi një mi e sulmoi me egërsi në fytyrën e saj ndërsa ajo flinte.
Ngjarja ka ndodhur në Brimingham, Angli, në shtëpinë ku e moshuara jetonte me bashkëshortin e saj.
Diana Kirk mbeti me lëndime tronditëse në fytyrë, pasi u zgjua e mbuluar në gjakun e saj në orën 5:45 të mëngjesit. 76-vjeçarja nuk është në gjendje të lëvizë pasi ka dëmtime në tru dhe për të kujdeset bashkëshorti i saj John Kirk, 85 vjeç, së bashku me një ekip kujdesi.
Ai dhe gruaja e tij flini në krevate të stilit marinar, ku 76-vjeçarja ishte në katin e poshtëm, dhe i moshuari në atë të sipërm. Ai tregoi se u zgjua kur dëgjoi për herë të parë një mi duke e ‘gërvishtur’ derën e dhomës, ndërsa shtoi se nuk mund ta shihte mirë duke pasur parasysh se sa errësirë ishte, por ishte e qartë se ishte një një brejtës i madh.
Më pas, rreth orës 1:30 të mëngjesit, ai e dëgjoi përsëri zhurmën , para se të binte në gjumë dhe të zgjohej normalisht pak para orës 6 të mëngjesit.
Kur zbriti në katin e poshtëm dhe kontrolloi gruan e tij e pa atë të mbuluar me gjak dhe shenja të vogla kafshimesh në fytyrën e saj. Ai ka thirrur menjëherë ambulancën, e cila i dha ndihmën e parë gruas, ndërsa e transportuan për në spital.
