Asambleja e Përgjithshme e Kombeve të Bashkuara ka nisur takiimin emergjent teksa pushtimi rus i Ukrainës vazhdon.
Në nisje të punimeve, presidenti i Asamblesë iu kërkoi të pranishmëve të mbajnë një minutë heshtje për viktimat nga luftimet në Ukrainë.
Në fjalën e tij të hapjes, Presidenti i Asamblesë së Përgjithshme, Abdulla Shahid, ripërsëriti thirrjen e tij për armëpushim të menjëhershëm.
Ai u bëri thirrje palëve që të përdorin dialogun për të “de-përshkallëzuar në mënyrë kuptimplotë dhe të shpejtë” situatën.
Në fund të Asamblesë pritet të votohet një rezolutë që dënon agresionin e Moskës në Ukrainë.
