Ballina Lajme “Kthehu në shtëpi, ose do të vritesh”, serbët shënjestrojnë ushtarin amerikan në...

“Kthehu në shtëpi, ose do të vritesh”, serbët shënjestrojnë ushtarin amerikan në veri të Kosovës

0

Në veri të Kosovës, në mes të tensioneve janë vendosur forcat e KFOR-it, përfshirë edhe ato amerikane për të ulur sa më shumë gjakrat dhe për të shmangur trazirat e mundshme, pas protestave të dhunshme të organizuara nga serbët.

Për shkak të dhunës së serbëve, disa ushtarë të KFOR-it, italianë e hungarezë, kanë mbetur të plagosur me armë zjarri, e të tjerë kanë pësuar fraktura e djegie për shkak të dhunës së protestuesve. Por duket se serbët nuk po mjaftohen me kaq.

Në rrjetet sociale, kryesisht në “Twitter”, llogari me emra të ndryshëm janë nisur një fushatë kundër një ushtari i SHBA-së, të cilin kanë arritur ta identifikojnë përmes një fotoje të shkrepur në veri të vendit. “Amerikan, Kosova është Serbi, kthehu në shtëpi”, ka shkruar një prej llogarive që ka shpërndarë fotografinë e ushtarit amerikan.