Ballina Bota E mbështjellë me batanije, foshnja e porsalindur gjendet e braktisur në një...

    E mbështjellë me batanije, foshnja e porsalindur gjendet e braktisur në një shportë

    1

    Një fëmijë i porsalindur i mbështjellë me një batanije u gjet nga policia në një shportë në Via Rametta në Catania.

    Gjendja e tij shëndetësore vlerësohet e mirë nga mjekët që e kanë ekzaminuar.

    I porsalinduri u gjet  nga karabinierët e njësisë radio-lëvizëse të Catanias, të cilët ndërhynë pasi një kalimtar raportoi në qendrën e operacioneve komanduese. Shporta me fëmijën ishte në një zonë të populluar të qytetit pas një muri të rrënuar.

    Zona është e aksesueshme nga kushdo. Karabinierët e gjetën foshnjën duke qarë. Pas ekzaminimeve në spital, foshnja u dërgua  në repartin e Neonatologjisë ku do të qëndrojë nën vëzhgim.

    Vijojnë hetimet për identifikimin e nënës. Zyra e Prokurorit Publik të Katanias ka hapur një hetim për rastin. /abcnews.al/