Ballina Vendi Drizar Mallakastër, fshati me natyrën magjepsese, që vlen të eksplorohet!?

Drizar Mallakastër, fshati me natyrën magjepsese, që vlen të eksplorohet!?

30

Keni qenë ndonjeher ne fshtin Drizar? 𝗗𝗿𝗶𝘇𝗮𝗿𝗶 është një nga fshatrat më të bukur të Mallakastrës. Është i vendosur në majën e një kodre, rreth 400 metër mbi nivelin e detit dhe është i shtrirë në një sipërfaqe të madhe territoriale. Udhëtimi përgjatë kodrave, për të shkuar drejt Drizarit të jep mundësinë të shohësh bukuritë e fshatrave rreth e rrotull. Fshati është i vendosur si “ishull” mes një gjelbërimi shokues. Lartësia të jep mundësinë të shohësh qindra kartolina të natyrës, luginën e lumit Vjosa, fshatin Drizar dhe fshatrat e tjerë aty pranë.Ka një pamje spektakolare mbi luginën e Vjosës dhe mund të shohësh edhe fshatin me pasuri të shumta ujore, Poçemin. Po për Rrapin e Drizarit, keni dëgjuar?Ai është një rrap mbi 400-vjeçar, me lartësi mbi 20 metër, diametër të trungut rreth 2.4 metër dhe i shpallur monument natyre.

Sipas gojëdhënave, disa ustallarë që punonin në Drizar të Mallakastrës, pasi mbaronin punën, ktheheshin në shtëpitë e tyre. Por më parë e kishin zakon që të ktheheshin tek burimi i Drizarit. Një ditë, njëri prej tyre sjellë një degë rrapi dhe e mbjellë aty, tek burimi, duke uruar: Mos u thafsh kurrë, o ujë! Që atë ditë, tek ky vend, nuk thahet as burimi i ujit dhe as rrapi shekullor, i cili quhet Rrapi i Vodicës, ose Rrapi i Ujit. Vizita tek ky rrap shekullor është një ndalesë e bukur, jo vetëm për madhështinë dhe bukurinë e tij, por edhe për ujin e ftohtë dhe gatimet e mrekullueshme tradicionale të zonës. Në Drizar ndodhet edhe një shtëpi e vjetër por e braktisur, dini ndonjë gjë rreth saj? Të vizitosh Drizarin do të thotë se ke zhvilluar një nga udhëtimet më të bukura dhe eksploruese në natyrën e Mallakastrës. Në udhëtime mëson histori për vendasit e shquar, që për fat të keq koha i ka harruar. Në Drizarin e bukur është një ndërtesë në formë kulle dy katëshe, sot e rrënuar por me një arkitekturë mbreslënëse. Banorët thonë se kjo ndërtesë i përket një njeriu, dikur të pasur dhe me influencë në këtë fshat. Kjo ndërtesë është e braktisur edhe nga pasardhësit e tij.