Partia Socialiste do të zhvillojë më 6 prill mbledhjen online të Asamblesë Kombëtare të Partisë. Mbledhja do të zhvillohet në orën 17:00, ndërsa është zbardhur edhe rendi i ditës.
Në këtë Asamble do të miratohet vendimi për thirrjen e Kongresit të Partisë me 09 prill, në orën 11:00, që do të zhvillohet në Pallatin e Kongreseve
Po ashtu do të diskutohet dhe do të miratohet edhe agjenda e punimeve të Kongresit si dhe rendi i ditës. PS do të prezantojë në këtë Asamble edhe statutin e ri të partisë që më pas do t’i paraqitet Kongresit për votim e miratim.
Rendi i ditës:
1. Miratimi i vendimit për thirrjen e Kongresit të Partisë, ditën e Shtunë, datë 09.04.2022, ora 11.oo, në Pallatin e Kongreseve në Tiranë.
2. Diskutimi dhe miratimi i Agjendës së punimeve të Kongresit.
3. Miratimi i rendit të ditës së punimeve të Kongresit.
4. Prezantimi i Statutit të ri të partisë që do ti paraqitet Kongresit për votim e miratim.
Ditën e hënë, datë 04.04.2022, do ju dërgohen materialet përkatëse të mbledhjes, ndërsa ditën e mërkurë në mëngjes do ju dërgohet linku përkatës për lidhjen online.
