Ballina Vendi Burri në Korçë flet pasi gjeti trupin e pajetë të foshnjës:“Jam i...

Burri në Korçë flet pasi gjeti trupin e pajetë të foshnjës:“Jam i tronditur”Më vinte erë e keqe nga dhoma e gjumit, shkova kontrollova në dollapin e rrobave dhe pashë në valixhe një fëmijë.

1

Është zbardhur dëshmia e plotë e Klodian Hasimllarit, i cili orët e para të së hënës denoncoi gjetjen e një foshnje të pajetë në banesën e tij në Korçë. Gazetari Roland Beqiraj mëson se Hasimllari është paraqitur në komisariatin e Korçës rreth orës 02.00 të mëngjesit të sotëm.

I tronditur nga ajo që kishte parë, ai ka treguar për uniformat blu se trupin thuajse të dekompozuar tërësisht të foshnjës e gjeti pas aromës së rëndë që po vinte në shtëpi.

“Më duket se pashë një foshnjë në valixhe në shtëpi. Më vinte erë e keqe nga dhoma e gjumit, shkova kontrollova në dollapin e rrobave dhe pashë në valixhe një fëmijë. Unë kam më tepër se 1 vit që shkoj e vij nga Greqia sepse mundohem të mbaj familjen me bukë. Isha në Korçë para 5 muajsh, prandaj s’jam i sigurt nëse foshnja është e imja apo jo. Kisha 5 muaj pa ardhur në Korçë. Pyesja gruan po ajo më fliste në vetën e tretë duke përmendur emrin e saj pa e ditur që po fliste për veten. Thoshte që “M…” (emri shkurt i 40-vjeçares) ka lindur fëmijë dhe e ka futur në valixhe. Jam shumë i tronditur nga ajo që pashë.”

Një tjetër informacion nga burimet konfidenciale, thuhet se babai ka qenë para 1 muaji në Korçë pasi 40-vjeçarja ka qenë e sëmurë. Klodian Hasimllari ka ardhur për ta parë pasi e shoqja kishte pasur anemi të theksuar. Konfirmohet se foshnja ka lindur para kohe dhe që s’ka qenë i formuar plotësisht.