Bashkia e Fierit vazhdon në normalitet me planin e investimeve pa u ndikuar nga fushata elektorale e 14 majit. Rruga “Kastriot Muço” në fokus të investimeve të ditës.

Vijon puna për rikonstruksionin e rrugës “Kastriot Muço”, përfundimi i së cilës do të lehtësojë ndjeshëm trafikun në këtë aks te rëndësishëm dhe do t’i japë asaj standardin infrastrukturor të vendosur prej vitesh në Fier. Si një rrugë me frekuentim të lartë automjetesh dhe këmbësorësh, ky aks, puna në të cilin ka nisur që në muajin dhjetor, përveç asfaltimit pritet të njoh edhe rikonstruksion të trotuareve, ndriçim modern, rikonstruksionin e fasadave, e gjithçka duhet për ta modernizuar e rikthyer në shërbim të plotë të komunitetit. Për kryetarin e bashkisë së Fierit “Rruga “Kastriot Muço” është një nga akset kryesore të qytetit, i cili ishte i vetmi në të cilin që nuk ishte investuar.

Në të gjitha akset e tjera të qytetit kemi bërë një rikonstruksion të plotë e të gjithave rrugëve me të gjitha parametrat, duke filluar nga rrugët, trotuaret, ndriçimi, gjelbërimi, fasadat dhe projektin e kësaj rruge e kemi miratuar para një vit e gjysmë apo dy vjetësh në këshillin bashkiak për shkak të faktit që të gjithë këtë projekt jemi duke investuar vetë me buxhetin e bashkisë, e kemi ndarë në dy faza. Vjet kemi mbyllur pjesën e ndriçimit publik dhe gjelbërimin. Po vazhdojmë këto ditë fasadat e pallateve.

Sot pothuajse kemi mbyllur rehabilitimin e rrugës dhe menjëherë mbas kësaj do te fillojmë rehabilitimin e trotuareve dhe të bordurave duke përfshirë dhe korsinë e biçikletave. Pra, me pak fjale është një projekt i plotë i hartuar para shumë muajsh, i miratuar në këshillin bashkiak me buxhetin përkatës dhe i zbatuar pothuajse hap mbas hapi nga ndërmarrjet e bashkisë së Fierit.

Ai shprehet i kënaqur që puna po ecën me ritme të kënaqshme edhe në drejtim të përmirësimit të fasadave dhe besoj kur të përfundojë kjo punë do të kemi një aks tjetër, shumë të rëndësishëm për qytetin e Fierit që do i shtohet gjithë punëve të mira që kemi bërë në këtë qytet duke i dhënë mundësinë fillimit të punëve në dy unazat lindore dhe perëndimore të qytetit për të vazhduar edhe aty me projektet konkrete që kanë në fokus rehabilitimin e tyre. “Desha të garantojë qytetarët që kjo nuk është një punë e bërë sa për sy e faqe apo këto ditë të fushatës, por realisht është një punë e planifikuar shumë kohë më përpara .

Është një punë e ndarë në tre faza në fakt. Duke pasur parasysh edhe financimin dhe buxhetin e bashkisë dhe si shumë punë të tjera që kemi bërë në bashkinë tonë besojë se edhe kjo do të jetë nga punët e mira të bashkisë”, shprehet Subashi në lidhje me punët në vijim të bashkisë së Fierit.