Ballina Vendi Balla pyetet per shkarkimin e kreut te komanduar te PD!?Me kë do...

Balla pyetet per shkarkimin e kreut te komanduar te PD!?Me kë do negocioni për presidentin pas shkarkimit të Alibeaj? Balla: Nuk më takon të bëj koment për një fierak

1

Kreu i grupit parlamentar të PS-së, Taulant Balla, nuk u shpëtoi as sot pyetjeve të gazetarëve në lidhje me shkarkimin e Enkelejd Alibeaj nga posti i kreut të grupit parlamentar të PD-së.

Pasi uroi këtë të hënë nga Fieri festën e “Fitër Bajramit”, Balla u pyet se me kë do negociojë maxhoranca nga PD-ja pas shkarkimit të Alibeajt, në lidhje me procesin për zgjedhjen e presidentit.

Por Balla duke shmangur një përgjigje të drejtpërdrejtë u shpreh se nuk mund të komentojë nga Fieri për një fierak, duke iu referuar atij.

Pjesë nga biseda:

Gazetari: A mund t’ju bëj një pyetje politike zoti Balla?

Balla: Edhe këtu në xhami do ta shkelim!

Gazetari: Duke qenë se u shkarkua Enkelejd Alibeaj, me kë do negocioni për presidentin?

Balla: Zoti Alibeaj është me origjinë nga Fieri, ndaj dhe nuk më takon të bëj koment nga Fieri për fierakët.

Mesazhi i urimit të Ballës:

Duam t’i urojmë gjithë besimtarëve mysliman të Fierit dhe të gjithë Shqipërisë gëzuar Fitër Bajramin. Kjo është një festë solidariteti në radhë të parë dhe mesazhi që ajo përçon që të gjithë duhet të bëjmë më shumë për t’u kujdesur për ata që janë më në nevojë dhe natyrshëm që mesazhi i dytë që festa e Fitër Bajramit përçon gjithmonë është sa më shume paqtim dhe sa më shumë dashuri për njeri tjetrin.

Unë mendoj që në këtë ditë të rëndësishme edhe ne politikanët kemi më shumë për të bërë, natyrshëm më shumë për t’u kujdesur për ata që janë në nevojë dhe më paqtim. Besoj që koha që kemi përpara duhet ta shohim të gjitha me përgjegjësinë që të punojmë të gjithë sëbashku në dobi të gjithë shqiptarëve dhe në dobi të Shqipërisë sonë te dashur.

Këtu nga Fieri bashkë me kreun e bashkisë, deputetët dhe autoritetet e tjera vendore vendore u takuam me myftiun dhe Fierit, natyrshëm bukuria e festës është që në këto ditë bëhemi të gjithë bashkë, edhe me përfaqësues të komuniteteve të tjera, me drejtues të komunitetit ortodoks, katolik dhe komuniteteve të tjera fetare. Gëzuar dhe festofshi në çdo familje.