Një aksident i rëndë ka ndodhur në Itali, ku një autobus me qytetarë, i nisur nga Serbia, është përplasur me dy kamionë. Mediet raportojnë se nga aksidenti kanë mbetur të lënduar 19 qytetarë.
Sipas medieve italiane, aksidenti ka ndodhur në mëngjesin e së hënës në ora 7:45, ku autobusi ishte nisur nga Serbia për në Bolzano të Italisë.
Siç njoftojnë mediet atje, në aksident janë përfshirë dy kamionë dhe një autobus, ku shoferi i këtij të fundit mbeti i lënduar rëndë, pasi u bllokua brenda mjetit.
