Një aksident i rëndë ka ndodhur në aksin rrugor “TEG-Shkozë”, në mesnatë. Mësohet se shtetasi F. H., 35 vjeç, ka humbur kontrollin mbi drejtimin e automjetit dhe për pasojë automjeti ka dalë nga rruga. Sipas policisë, mjeti është përplasur me bordurën anësore të rrugës.
Nga përplasja, 35-vjeçari ka humbur jetën. Grupi hetimor vijon punën për zbardhjen e shkakut të këtij aksidenti.
