Informacione të reja janë zbuluar lidhur me 38-vjeçarin Betim Kastrati, që u gjet i vdekur brenda automjetit të tij Volvo në rrethrrotullimin e Kolonjës.
Kastrati, punonte si shofer i drejtorit të Portit të Durrësit, Pirro Vengu.
Sipas policisë 38-vjeçari kishte parkuar makinën në mënyrë të rregullt dhe ka vrarë veten me armë zjarri.
Ai u gjet në mjetin tip Volvo me targë AB 550 AI, makinë e Portit të Durrësit.
Deri tani është raportuar se viktima vuante nga depresioni. Lajmi i vetëvrasjes është konfirmuar edhe nga Autoriteti Portual i Durrësit.
38-vjeçari ishte baba i dy fëmijëve dhe jetonte në Kamzë. Ndërkohë policia vijon hetimet për dokumentimin e ngjarjes.
