Ballina Sport Infektohen me koronavirus disa futbolliste te kombetares shqiptare, ndryshime të detyruara për...

Infektohen me koronavirus disa futbolliste te kombetares shqiptare, ndryshime të detyruara për miqësoret e marsit

1

Lista e lojtarëve të thirrur në kombëtaren shqiptare për dy ndeshjet miqësore të marsit ndaj Spanjës dhe Gjeorgjisë ka pësuar ndryshimin e parë.

Departamenti i komunikimit në FSHF bën me dije se ka pasur dy ndryshime të fundit, pasi mbrojtësi Enea Mihaj dhe mesfushori Nedim Bajrami nuk do të jenë të gatshëm për këto dy sfida.

Mihaj ka rezultuar pozitiv pas testit Covid-19 dhe është karantinuar, duke mos pasur mundësi të grumbullohet me përfaqësuesen kuqezi. Edhe Nedim Bajrami ka pasur simptoma gripale dhe temperaturë të lartë pasditen e të dielës. Pra, dyshohet për koronavirus.

Në këto kushte, trajneri Edoardo Reja ka vendosur të thërrasë në kombëtare mbrojtësin Herdi Prenga, i cili po bën paraqitje të mira këtë sezon me skuadrën e Kisvárdas në Hungari, dhe mesfushorin Endri Çekiçi.

Për Prengën është një rikthim, pasi ka qenë i grumbulluar edhe më parë me kombëtaren A, ndërsa ka qenë pjesë edhe e kombëtares U-21 në të kaluarën.

Futbollisti do t’i bashkohet të hënën skuadrës kuqezi në grumbullimin që do të nisë në Barcelonë. Ndërsa Çekiçi ka qenë rregullisht pjesë e kombëtares në ndeshjet e fundit.h