Ballina Lajme “Vendi i shqiponjave është shndërruar në vendin e kallashnikovit”, deputeti i PD:...

“Vendi i shqiponjave është shndërruar në vendin e kallashnikovit”, deputeti i PD: Nuk mund të kemi një vend europian me siguri primitive

2

Deputeti i PD-së Dash Sula ka reaguar për atentatin e mbrëmshëm në Milot, ku u vra një i ri dhe u plagos një 46-vjeçar. Sula konstaton se vendi i i shqiponjave është shndërruar në vendin e kallashnikovit.

Ai thekson se nuk mund të kemi një vend europian me siguri primitive, por një vend që të jep paqe dhe i bën thirrje kryeministrit Edi Rama që të marrë masat e duhura për të vendosur në shinat e demokracisë sigurinë e vendit.

POSTIMI I PLOTË

🔴Vendi i shqiponjave fatkeqësisht është shndërruar në vendin e kallashnikovit.

Lipset një aleancë e gjerë me qytetarët e për qytetaret ku institucionet të vendosen para përgjegjësisë për të bërë detyrën e tyre. Ky vend nuk është Palermo e dekadës së frikshme, por një shtet që çeli negociatat. Nuk mund të kemi një vend europian me siguri primitive, por një vend që të jep paqe.

Mjafton të shikosh kronikat e lajmeve për të kuptuar se përveç eksodit dhe pandemisë, shqiptarët po i asimilon mungesa e sigurisë në vend.

I bëj thirrje kryeministrit Edi Rama, si politikan, si qytetar dhe si prind, që të marrë masat e duhura për të vendosur në shinat e demokracisë sigurinë e vendit.

Nuk ka pushim me rrugë të përgjakura dhe vatra të përgjakura